મકરાસન

મકરાસન : મકર એટલે મગર. આ આસનમાં શરીરની સ્થિતિ મગર જેવી બનતી હોવાથી તેને મકરાસન કહેવામાં આવે છે.

ઘેરંડ સંહિતામાં મકરાસન વિશે નીચે પ્રમાણે ઉલ્લેખ કરવામાં આવ્યો છે.

अथ मकरासनम् ।

अध्यास्यः शेते हृदयं निधाय मूमौ च पदौ च प्रसारर्यमाणौ ।

शिरश्व धृत्वा करदण्डयुग्मे देहाग्निकारं मकरासनं तत् ॥

મૂળ સ્થિતિ : એક સ્વચ્છ આસન પર ઊંધા સૂઈ જવું.

પદ્ધતિ :

• સૌ પ્રથમ એક સ્વચ્છ આસન પર ઊંધા સૂઈ જવું.
• બન્ને પગ વચ્ચે થોડું અંતર રાખવું.
• પગની એડી અંદરની તરફ રહે તેમ રાખો.
• પગના પંજા બહારનઈ તરફ રાખો.
• બન્ને હાથ માથાની ઉપરથી આગળની બાજુએ લઈ જાઓ અને તેની કાતર જેવી આકૃતિ બનાવીને તેની માથુ મુકી દો.
• માથું જમીન તરફ રાખો અને આંખો બંધ રાખવી.
• આ સ્થિતિમાં માથું બન્ને હાથ વચ્ચે રહેશે.
• હાથની કોણી, પેટનો ભાગ, સાથળ અને પગના પંજાનો ભાગ જમીનને સ્પર્શેલો રહેશે.
• હવે, શરીરને ઢીલું છોડી દો.
• શ્વાસ એકદમ ધીમે ધીમે અને ઊંડા લો.
• થોડીવાર આ આસનમાં રહ્યા બાદ મૂળ સ્થિતિમાં આવવું.

ધ્યાનમાં રાખવાની બાબતો :

• શરીરને સ્થિર રાખવું.
• પગને ખુલ્લા રાખવા.
• નબળા વિચારોને ત્યાગી મન કેંદ્રિત કરવું.

ફાયદા :

• આ આસનથી શરીરની બધી જ કોશિકાઓ અને માંસપેશીઓને આરામ મળે છે.
• આ આસનથી શરીરને સંપૂર્ણ તણાવમુક્ત કરી શકાય છે.
• પાચનતંત્ર, ચેતાતંત્ર પર ખૂબ જ સારી અસર થાય છે.
• આ આસન મગજના કોષોને તણાવમુક્ત કરે છે.
• આ આસનથી મગજની ચેતાઓની કાર્યક્ષમતામાં વધારો થાય છે અને માનસિક શાંતિ મળે છે.
• વાત, પિત્ત અને કફ જેવી તકલીફો દૂર થાય છે.
• આ આસનથી નાડીઓમાં પ્રાણસંચાર સરળતાથી થાય છે.
• આ આસનમાં સવાસનના લાભ પણ પ્રાપ્ત થાય છે.
• આ આસનની સ્થિતિમાં ફેફસા ફુલે છે જેનાથી તેની અંદર પ્રાણવાયુ વધારે માત્રામાં જાય છે તેમજ દૂષિત વાયુ બહાર નીકળી જાય છે.