યોગ મુદ્રાસન

યોગ મુદ્રાસન : યોગ મુદ્રાસન એ પેટની ચરબી ઘટાડવા માટેનું એક ઉત્તમ આસન છે. આ આસનથી ચહેરો નિખરે છે અને નમ્ર બને છે.

મૂળ સ્થિતિ : પદ્માસનની સ્થિતિમાં બેસો.

પદ્ધતિ :

• સૌ પ્રથમ પદ્માસનની સ્થિતિમાં બેસો.
• હવે, બન્ને હાથ ઘૂંટણ પર જ્ઞાનમુદ્રામાં ગોઠવો.
• શરીર તનાવમુક્ત કરી શ્વાસ ધીમે ધીમે છોડો.
• કમરમાંથી શરીરને આગળની તરફ ઝૂકાવતા જાઓ.
• હવે, બન્ને હાથ પાછળ થાપા ઉપર એકબીજાને પકડી લો.
• આગળ ઝૂકતા ખભા જમીનને અડકે તથા કપાળ અથવા દાઢી જમીનને અડકે તે રીતે શરીરને ગોઠવવું.
• શ્વાસોચ્છવાસ સામાન્ય રાખો.
• યથાશક્તિ સમય આ સ્થિતિમાં રહ્યા પછી શ્વાસ લેતા લેતા ફરીથી મૂળ સ્થિતિમાં આવો.

ધ્યાનમાં રાખવાની બાબતો :

• પદ્માસન એકદમ મજબૂત ન બાંધવું.
• આગળ ઝૂકતા ઉતાવળ કરવી નહિ.
• શ્વાસ વધુ પડતો ન રોકવો.
• કમરની તકલીફવાળા વ્યક્તિઓએ આ આસન યોગ નિષ્ણાતના માર્ગદર્શનમાં કરવું.

ફાયદા :

• આ આસનથી પેટના સ્નાયુઓ મજબૂત બને છે.
• પેટની ચરબી ઓછી થાય છે.
• આ આસનથી પાચનશક્તિ વધે છે.
• મનની એકાગ્રતા વધારવા માટે આ આસન ખૂબ જ ઉપયોગી છે.
• યકૃતનો સોજો મટે છે.
• બરોળનો સોજો મટે છે.
• શરીર સુંદર અને ચહેરો નમ્ર બને છે.
• ક્રોધ દૂર થાય છે.
• આ આસનની શરૂઆત પદ્માસનથી થતી હોવાથી પદ્માસનના લાભ પણ મળે છે.