આપણું પર્યાવરણ

નિવસનતંત્રમાં લીલી વનસ્પતિઓ સૂર્યશક્તિનું શોષણ કરી તેનું રાસાયણિક શક્તિમાં રૂપાંતર કરે છે. આમ, પ્રથમ પોષક સ્તરે લીલી વનસ્પતિઓ પ્રાપ્ય સૌર-શક્તિનું રાસાયણિક શક્તિમાં રૂપાંતર કરી ખોરાકનું ઉત્પાદન કરે છે.

ઉપભોક્તા સજીવો શક્તિની જરૂરિયાત માટે અન્ય સજીવો કે તેમની નીપજોનો ખોરાક તરીકે ઉપયોગ કરે છે. લીલી વનસ્પતિઓમાંથી ખોરાકરૂપે શક્તિનું વહન તૃણાહારીઓમાં અને ત્યાંથી માંસાહારીઓમાં વહન પામે છે. ઉપભોક્તા સજીવો વિષમપોષી હોવાથી તેમની શક્તિની જરૂરિયાત નીચલા પોષક સ્તરો વડે પૂરી થાય છે.

આથી ઉપભોક્તા સજીવો પ્રત્યક્ષ કે પરોક્ષ રીતે શક્તિ માટે લીલી વનસ્પતિઓ પર આધારિત છે.