આપણું પર્યાવરણ

નિવસનતંત્રમાં સૂર્યશક્તિનો પ્રવેશ લીલી વનસ્પતિઓ વડે થતી પ્રકાશસંશ્લેષણ ક્રિયા દ્વારા થાય છે. લીલી વનસ્પતિઓ દ્વારા મેળવાયેલી શક્તિ સૂર્ય તરફ પાછી ફરતી નથી.

લીલી વનસ્પતિઓમાંથી શક્તિનું વહન ક્રમશઃ ઉપભોક્તાના પોષક સ્તરો તરફ થાય છે. તૃણાહારીઓ દ્વારા મેળવાયેલી શક્તિ લીલી વનસ્પતિ (સ્વાવલંબી) તરફ જતી નથી. આ રીતે ઉપરના વિવિધ પોષક સ્તરોમાં ક્રમશઃ વહન પામતી શક્તિ નીચલા પોષક સ્તરે પાછી ફરતી નથી.

આથી નિવસનતંત્રમાં શક્તિનો પ્રવાહ હંમેશા એકમાર્ગી છે.